Friday, 3 February 2012

ഓറഞ്ച് മണമുള്ള അയല്‍ക്കാരി ( ഓറഞ്ച് മണമുള്ള അയലക്കറി..)



നിലാവുകെട്ട രാത്രികളില്‍ ഉറങ്ങാന്‍ തുടങ്ങുന്നതിന് മുമ്പേയാണ് ആ ഓറഞ്ച് മണം ഞങ്ങള്‍ക്കിടയിലേക്ക് കടന്നുവരാറുള്ളത്. ഇന്നലെയും വന്നു കുടകിലെ തണുത്ത മരച്ചേടിന്‍െറ മണ്ണുപറ്റിയ ഓറഞ്ചുമായി അവള്‍.
കൂട്ടുകാരിയാക്കിയാലോ എന്നു തീരുമാനിച്ചില്ല അതിനു മുമ്പേ അവള്‍ ഹൃദയത്തില്‍ കയറി അയലക്കറി ഉണ്ടാക്കി.
അവളുടെ ചിരിയിലും കണ്ണിലും പിന്നെ ചുണ്ടുകടന്നെത്തുന്ന വര്‍ത്തമാനത്തിലും ഒട്ടെ  ഉണ്ടാക്കും ഓറഞ്ചിന്‍െറ ഒരു പതുപ്പന്‍ മണം. സത്യത്തില്‍ ഓറഞ്ച് എനിക്ക് ഇഷ്ടമുള്ള ഒരു പഴമായിരുന്നില്ല. കാഴ്ചയിലും സ്വഭാവത്തിലും ഒരു സവര്‍ണ്ണ സാമ്പ്രാജ്യത്ത സംഭവം. ഒരിക്കല്‍ തീവണ്ടിയാത്രകഴിഞ്ഞ് ഭക്ഷണം കിട്ടാതെ വിശന്നലഞ്ഞു വന്നുകയറിയപ്പോള്‍ ചുവക്കാത്ത രണ്ട് ഓറഞ്ചുമായി അവള്‍ ഫ്ളാറ്റിന്‍െറ മുന്നില്‍ നില്‍ക്കുന്നു. എന്നെ കണ്ടതും ഒരെണ്ണം കയ്യില്‍ വച്ചു തന്നിട്ട് ഒന്നു മിണ്ടാതെ അവള്‍ തിരിഞ്ഞോടി. ഭംഗിനോക്കാതെ ഇഷ്ടങ്ങള്‍ മാഞ്ഞിവെച്ച് അതുഞാന്‍ അഴിക്കാനെടുത്തു. ഓരോ അല്ലികളും ഐസു കഷണങ്ങള്‍ പോലെ നാവിലൂടെ ഇറങ്ങിപ്പോയി. പടിക്കെട്ടുകള്‍ കയറാന്‍ ത്രാണിയില്ലാതെ വിശന്നു തളര്‍ന്ന് വിറക്കുകയായിരുന്നു കാലുകള്‍ ആഓറഞ്ചുനീരിന്‍െറബലത്തില്‍ ഞാന്‍ എന്നെ നയിച്ചു. മുകളിത്തെിയപ്പോള്‍ അവളുടെ കാല്‍പെരുമാറ്റം കേട്ടു.
പുറത്തേക്ക് നോക്കാന്‍ തുടങ്ങും മുന്‍പേ അവള്‍ വന്നു കയറിയിരുന്നു ഒരുകൂട പൂത്തി തുടുത്ത ഓറഞ്ചുകുമായി. അവളെ അടുത്തേക്ക് വിളിച്ചിരുത്തി ബാഗില്‍ നിന്നും പുതിയ മാസിക കൊടുത്തു. ‘‘വിശക്കുന്നു കുറച്ചു ചോറുകഴിക്കട്ടേ...’’ എന്നുപറഞ്ഞ് അടുക്കളയിലേക്ക് നടന്നു.  അവള്‍ ഒപ്പം വന്നു, പാത്രം കഴുകാനും മേശതുടക്കാനും ഒപ്പംകൂടി. അപ്പോളാണ് അറിയുന്നത് കൂട്ടുകാരി ഉണ്ടാക്കിയതില്‍ ചോറുമാത്രമേ ഉള്ളൂ. വേഗം ഫ്രിഡ്ജ് തുറന്നു രണ്ടു കോഴിമുട്ട. ചേച്ചി  മരുന്നണ്ടാക്കാന്‍ വാങ്ങിവെച്ചിരുന്നതാ. മുട്ടയെടുത്ത് ഓംലെറ്റാക്കാന്‍ തുടങ്ങുമ്പോള്‍ അവള്‍ ഒന്നും മിണ്ടാതെ പുറത്തേക്കോടി  5 മിനിറ്റിനുള്ളില്‍ മടങ്ങിയെത്തി.
ഉള്ളി അരിഞ്ഞ് മുട്ട പൊട്ടിക്കാന്‍ കത്തിയെടുത്തതും അവള്‍ മേശപ്പുറത്തേക്ക് ചൂ്ടുള്ള ഒരു പാത്രം വെച്ചു. ‘‘ ദേ ഇതു കഴിക്ക്വോ...’’ ഒരു കറിപ്പാത്രം ഞാന്‍ തുറന്നു നോക്കി നല്ല അയലക്കറി...  അവളുടെ മുഖത്തൊന്നു നോക്കി പിന്നെ കറിമണത്തു നോക്കി ...നല്ല ഓറഞ്ചിന്‍െറ മണമുള്ള അയലക്കറി....

No comments:

Post a Comment